قصيدة مدح للحبيب المصطفي اعجبتنى

شــديت ركـابي ......... ودربي ليـكا طـويل
ياحـبيب الله ........ المـافــي لـيــكا مثـيل
حفيان ماشي ليك ......... لا مبيت لا مقيل
والــزاد يــا نبــيـنا .... العــندي والله قليـل
بـس كـيفـن أجـيـك ...... وأكـتـر التـقبــيل
وفي الروضة الشريفة الدمع مني يسيل
أصـلي عليك واسلم في الصبـاح والليل
يــا رســول اللـه المــافي ليكـا مــثــيــل

شــديــت ركــابــي مـاشـي لـيــكـا أزور
يـاحبـيــب الـلـه الـفـي الـكـتأب مــذكـور
يـا نـبــي اللــه ... يــا قــاهـــر الـديجــور
يـــا رســـول اللــه ... هـزمـت كـل كـفور
حـبـك يــا الـحـبـب ... فـي الفؤاد محفور
أصـلي عـليـك واسـلم دهور وراها دهور
واصلي عليك واسلم ما قام زيد في بكور

شديـت ركـابي جـرت دمـعاتـي ولـهـانـة
أعـضـاي وروحـي ..... يا حبيبنا فرحانــه
وجموع المسلمين الما زارتك حــزنــانـه
تـصلى عـليك تـسلم ... الآنــا ... الآنــــا
يا نبينا ورسولنا .. الجـاري فـي دمــانـــا
لــي روضـتـك ولـماك أشـواقنـا شايلانـا
وبزيارة مسجـدك أرواحــنــا عشـمـانـــه
سأليــن الهـنـا نـجيـك ويـتحـقـق مـنـانـا
نـصلـي عليـك نسـلـم ونسبح لمـولانــا

شـديــت ركـابــي بـدعـو طــول الـلـيــل
يــا ربــي وصـلـنــي للـقبـه أم تـظليــل
ويــا ربــي أكـرمنـي بالشوفة والتـهليل
ويـا ربـي وصلنـي وابـقـى لـيــا دلـــيـل
ويـا ربـي تـنـجدني أنـا السـقيـم وعليل
وصـلـنـي للـمـحبوب الماقي ليهو مثيل
أصلي عليـه واسلـم مـا دام فيـا قلـيـل
واصلي عليه واسـلم فـي النهار والليل


الكاتب: الطاهر التاى

يسلمو ويديك العافيه ياء رب