عطر الفل - مسدار وعد

الولد النجيض ببعد و يطير بى ريشو
ما بعصر قليبو على حبيب خان عيشو
ان و قع القدر و الهم صعب فشفيشو
بختم ايدى فوق خدو و بطلع فيشو

***
الولد البفز من الحريم و يتراكا
رزقو على الكريم البابو ما هو متاكا
ان ضاقت على الدنيا من تيلاكا
بطبق قرجتى و بطلع جبال التاكا

***

بت الما مرق من بيتو قاصد غيه
ما لاكن قفاك حروم و لا فيك ريه
الفيك ان بقت و ان صح بقت محرية
بطبق حنتى و باكر بجيك ضهرية

***

بت النوبة شالت و خدرت واطاتا
و طير القمرى فرخ فى سماها و تاتا
مرقت بى عجن , رجعن معاها تلاته
اتين للقنيص و التالتة جاهله ... حلاتا